Sijahaon :
Manogot: Psalm 84:1-7
Bodari
:
Luk. 9:1-11
1. MARENDE BE. No. 94:3. “Ale Tondingku Naung Hehe”
♫ Tahaburjuhon
mangalo dosanta Jala tabaen Tuhan Jesus donganta. Pos ma rohanta di Tuhanta i PamonangonNa do
hita sude PamonangonNa do hita sude
2. Turpuk
: 1 Korint 15:42.
Songon i do nang di haheheon ni angka
naung mate: Tarsabur do di habusukon; alai dipahehe do di hatongtongon
NGOLU NA MANONGTONG
HATORANGAN:
Di sada tingki mardalan i do sahalak
dolidoli mangalului taman panggadis bunga. Dung dipareso ibana sude ragam ni
bunga i, dang dapot ibana bunga na hinirim ni rohana. Alai ditorushon ibana ma
mangaliati sude bunga na adong i. Tarsor ma pamereng na tu sada ember na balga
naung sega jala buni di pudi jala di suhisuhi ni pembibitan bunga i. Dipareso
ibana ma inganan ni bunga i naung sega jala dang suman laho gadisonna bunga i.
Hape uli jala sigodang arga do bunga i. Didok ibana ma di rohana: aut sura
dilehon tuhoronhu bunga on, ingkon hujaga situtu do, jala bahenonhu ma tu pot
bonga na uli jala na arga, ninna rohana. Jadi didapothon dolidoli i ma nampuna
bunga i jala di patangkas ma: boasa songoni baenonna bunga na arga i ? Dungi
dipatorang ma tu ibana, ninna ma: ia bunga na arga i, na husengaja do i di
ember naung sega-sega i hubibithon sampe magodang jala marbunga nauli bunga i.
Dung marbunga ibana, paunsatonhu do i tu pot bunga na uli jala na arga laos
bahenonhu do i di jabungku na uli jala na balgaan, jadi ndang gadisonhu i,
ninna partiga-tiga i ma patoranghon. Umbege hatorangan i, mengkel ma dolidoli i
jala gabe targombar ma tu rohana songon uli ni bunga i ma muse uli na di surgo
tondi ni angka na porsea i marhite panghophopon ni Jesus paulihon tondi ni
angka naporsea i.
Hamu angka dongan, boi do songoni gombaran
ni ngoluntaon saonari, disabur/dibibithon hita di inganan na hurang uli songon
ember i, satongkin do i, alai ingotonta ma mangula do Debata laho paulihon roha
dohot tondinta asa tubu marbunga na uli marhite haporseaonta. Dungi paunsatonna
ma hita tu huta, bagas na uli jala na denggan ima surgo hasonangan i, inganan
hangoluan sisaleleng ni lelengna. Tarsabur di habusuhon, alai dipahehe tu
hatontongon. Amen.
3. TANGIANG PANGONDIANON
4. MARENDE BE.No. 292:
5. “Girgir ma Hamu”
♫ O Jesus tu Ho marsomba au on Sude ma di Ho hulehon au on. So olo be sirang
naung domu tu Ho martua nang sonang na ro i tu Ho
5. TANGIANG ALE AMANAMI.
Tidak ada komentar:
Posting Komentar